Il-kowċ Taljan, sa minn meta beda jmexxi lill-Irlanda tliet snin ilu, bena tim li tilef biss darba fl-aħħar żewġ fażijiet ta’ kwalifikazzjoni għal turnaments internazzjonali. L-uniku timijiet li għandhom rekord aħjar minn dan huma l-Ġermanja u Spanja u l-Itlaja, żewġ avversarji tal-Irlanda fi Grupp C.
Bla dubju, l-aktar plejers strumentali f’dan it-tim huma l-goalkeeper Shay Given, sieħbu ta’ Aston Villa Richard Dunne u l-captain Robbie Keane li hu l-aqwa skorer fl-istorja tat-tim nazzjonali tal-Irlanda.
Il-midfield hu magħmul minn Glenn Whelan ta’ Stoke u Keith Andrews ta’ West Brom. It-telfa kontra r-Russja kienet fil-fatt l-uniku telfa li sofrew l-Irlanda fl-10 partiti ta’ kwalifikazzjoni. L-Irlanda għaddiet bil-play-offs wara li eliminat lill-Estonja b’aggregate ta’ 5-1.
Meta l-Irlanda lagħbet kontra timijiet ta’ kalibru kemm -il darba sabitha diffiċli tirbaħ. L-unika eċċezzjoni ta’ meta l-Irlanda għelbet tim kbir kien meta lagħbet kontra Franza sentejn u nofs ilu f’Pariġi. Sad-90 minuta l-Irlanda kienet qed tirbaħ 1-0 iżda Franza ġabu d-draw permezz ta’ handball kontroversjali ta’ Henry li elimina lill-Irlanda mit-Tazza tad-Dinja.
L-ebda tim qatt ma għadda għall-fażi tan-knockout bi draws biss u b’hekk l-Irlanda trid tirbaħ minn tal-anqas logħba kontra Spanja jew l-Italja. Trapattoni se jkollu jistudja kif jegħleb liċ-Champions tad-Dinja u lit-tim ta’ pajjiżu stess jekk irid li jgħaddi għall-fażi li jmiss u jaffrontaw wieħed bejn l-Ukrajna, l-Iżvezja, Franza jew l-Ingilterra.
Goalkeepers: Shay Given (Aston Villa FC), Keiren Westwood (Sunderland AFC), David Forde (Millwall FC).
Difensuri: John O'Shea (Sunderland AFC), Richard Dunne (Aston Villa FC), Stephen Ward (Wolverhampton Wanderers FC), Sean St Ledger (Leicester City FC), Darren O'Dea (Celtic FC), Stephen Kelly (Fulham FC), Paul McShane (Hull City AFC).
Midfielders: Glenn Whelan (Stoke City FC), Keith Andrews (West Bromwich Albion FC), Aiden McGeady (FC Spartak Moskva), Darron Gibson (Everton FC), Paul Green (unattached), Damien Duff (Fulham FC), Stephen Hunt (Wolverhampton Wanderers FC), James McClean (Sunderland AFC).
Attakkanti: Robbie Keane (LA Galaxy), Kevin Doyle (Wolverhampton Wanderers FC), Shane Long (West Bromwich Albion FC), Jonathan Walters (Stoke City FC), Simon Cox (West Bromwich Albion FC).